Óæskilegur hárvöxtur er algengt vandamál. Áberandi hárvöxtur í andliti kvenna getur haft mikil áhrif á félagslíf þeirra og einnig haft áhrif á samskipti milli kynja.
Engin ákveðin skilgreining er til á því hvað telst mikill hárvöxtur í andliti kvenna og getur það verið háð uppruna og búsetu. Óæskilegur hárvöxtur getur einnig verið víðar á líkama kvenna svo sem á kvið, bringu, brjóstum, fótleggjum nárum og víðar. Hjá konum getur aukinn hárvöxtur á þessum stöðum verið merki um óeðlilega hormónastarfsemi en getur einnig verið ættgengur eða jafnvel tengdur notkun vissra lyfja.
Sumir karlmenn hafa mikinn hárvöxt á bol og þá sérstaklega baki. Fyrir utan að vera til óþæginda getur óvenju mikill hárvöxtur á baki karla verið félagslega hamlandi.
Nánari upplýsingar um lasermeðferð má finna annars staðar á síðunni.